Maart 16, 2009
kaalvoet
Ek wens vir ‘n kaalvoet siel
Wat deur die lewe stap
Sonder pretensie, plastiek of aangeplakte plesier
Sommer net ‘n kaalvoetsiel
Wat haarself verlekker
In die veersagte druppels van vroegdag se dou
Wat soetvuil vingers aflek
En teruggaan vir « Nóg ! »
En skaterlag vir sommer net
Ek wens vir ‘n kaalvoetsiel
Met wondergroot oë
Wat die magic in haar mond ronddra
en die katte, kinders en kraaie
betower
Ek wens vir ‘n kaalvoetsiel
Wat die lig in haar hart dra
Om al die spinnerakke en donker moment
In ‘n wink verdryf
En met skewe smile en sproetgesig
Die wêreld ‘n duisend skakerings
van geluk kan verf
Janri said,
April 28, 2010 at 13:07
So besit ek my eie blog op LitNet, ondr die naam kaalvoetsiel, kon dus nie help om die gediggie van jou daar op te sit nie, hoop nie jy gee om oor die diefstal van my nie, dit was net so akurate beskrywing van my wese. ek het wel die eer aan jou gebring met jou naam daarondr. dankie, jy het my weer hoop gegee in `n wereld waar ek begin alleen voel het.